عن تدخل الاديان فى السياسه ..بوست تاريخى

by basemmohamed0

بسم الله الرحمن الرحيم …قبل ما حد يشتم ويتهمنى بالكفر والالحاد انا شايف ان الدين بارادتنا او غصب عنا هيدخل فى السياسه بس اهم حاجه ان رجل الدين اللى هيتدخل فى السياسه يكون فاهم فى السياسه قبل ما يكون فاهم فى الدين والا هتيحصل اللى بيحصل فى البلد دلوقتى من كذب باسم الدين سرقه باسم الدين نفاق باسم الدين قتل باسم الدين

كل ده بيسبب نتيجة زيادة فى الالحاد وزيادة احتمالية حدوث فتن طائفيه

وافضل حل بالنسبة ليا هى دوله مدنيه قد يساهم فى بنائها رجال الدين ولكن بشكل غير مباشر

بمعنى ان مستشارين الرئيس المدنى وحط تحت كلمة مدنى دى مية خط يكونوا رجال دين ومن ديانات مختلفه

خلصت كلامى ..ابدا استعرض بعض من يعملون فى السياسه ومن الواضح عدم اهليتهم لذلك ويدعون انهم من اهل الدين

ايوه اللى هم الاخوان

لإخوان المسلمون هي جماعة إسلامية، تصف نفسها بأنها “إصلاحية شاملة” تعتبر أكبر حركة معارضة سياسية في كثير من الدول العربية، أسسها  حسن البنا في مصر مارس عام  1928  كحركة  اسلاميه وسرعان ما انتشر فكر هذه الجماعة من الاسماعيليه،  فنشأت جماعات أخرى تحمل فكر الإخوان في العديد من الدول، ووصلت الآن إلى 72 دولة تضم كل الدول الاسلاميه وغير إسلامية في القارات الست

طبعا مش هتكلم عن الهيكل التنظيمى للجماعه بداية من المرشد العام الى الاعضاء اللى انت بتقابلهم فى الشارع وبيدينوا للمرشد

بالسمع والطاعه وكمان بيملوا الجماعه دى وانشطتها السياسيه من مرتباتهم واللى بتتاخد منهم باسم نصرة الاسلام

اما عن التاريخ السياسى :

الاخوان تاريخهم السياسى مختلف عليه ..يعنى بالعقل الناس مختلفه على حاجات حصلت من يومين يبقى ازاى متاكدين من حاجات حصلت من بتاع 100 سنه؟؟

بس هو الموثوق منه ان الاخوان منذ بداية نشأتها كان لها اتجاهات سياسيه وكانت تابعه للملك فى بداية نشاتها

وساعدة مصر فى حرب 1948 فى فلسطين (كان للاخوان تنظيم سرى مسلح ومازال ممكن تراجع كلام مهدى عاكف المرشد القديم) وبعد عودة التنظيم من فلسطين تم حل الجماعه بواسطة النقراشى باشا وهو رئيس الوزراء فى مصر فى الوقت ده وتم اغتياله على ايد احد اعضاء الاخوان المسلمين والامام حسن البنا قال “ليسوا اخونا وليسواا مسلمين ومن المعروف ان فى بداية انشاء الجماعه كانت الجماعه بتاخد تمويل من دول بره زى بريطانيا

الكلام ده كان ايام الاحتلال الانجليزى اللى لاحظ ان شعبية الجماعه كبيره وحب يكسب ود الشعب المصرى

دخل الاخوان فى صداماات مع كل النظمه السياسيه من بعد ثورة 23 يوليو اعتقلوا فى عهد جمال وانور ومحمد حسنى مبارك

حتى وصولهم لكرسى الحكم وبالمناسبه انا انتخبتهم فى المرحله الثانيه  قدام شفيق وشايف ان اللى عملته هو الصح ولو عاد بيا الزمن 

هنتخب محمد مرسى بردو اما فى المرحله الاولى ما انتخبتش حد ..كلهم شوية فشله فى نظرى

ده تاريخ الجماعه من  غير ما اطول

ده لو كنت قريت اللى انا كتبته اصلا وما اتبضنتش منى

ولسه الجزء التانى من المدونه دى هنشره بعدين

وهنشر فيه بقى تدخل الدين فى الاقتصاد وظهور الصكوك الاسلاميه

هنشر فيه ان الدين مش بيتدخل  غالباغير لخدمة مصالح ناس معينه لكن عشان الشعب بيبقى عبده العبيط